- 30.08.2023
- Posted by: Timur Abdugaffarov
- Category: Янгиликлар
Жорий йилнинг 29 август куни Ўзбекистон Республикаси Инвестициялар, саноат ва савдо вазири Лазиз Кудратов “Мейер Бургер” компанияси бош директори Гунтер Эрфурт билан музокаралар ўтказди.
Маълумот учун: Швейцариянинг “Мейер Бургер” компанияси фотоелектр стансиялари учун модуллар ва бутловчи қисмларни ишлаб чиқариш ва йетказиб бериш соҳасида фаолият юритади. 1953-йилда ташкил этилган компаниянинг бугунги кунда Германия, АҚШ, Хитой ва Сингапурда ваколатхоналари мавжуд. 2022-йилда компания томонидан ўрнатилган қуёш панелларининг ишлаб чиқариш қуввати 1 ГВтни ташкил қилади. 2024 йилгача компания умумий ўрнатилган қувватларини 3,4 ГВтгача оширишни режалаштирмоқда.
Учрашувда томонлар “Мейер Бургер” компаниясининг илғор технологияларини жалб қилган ҳолда мамлакатимизнинг энергетика соҳасида қўшма лойиҳаларни амалга ошириш истиқболларини муҳокама қилдилар. Компания вакиллари Ўзбекистонда инвесторларнинг қулай фаолият юритиши учун яратилган ишбилармонлик муҳитининг амалий жиҳатларини юқори баҳоладилар ва ҳамкорликни ривожлантиришдан манфаатдор эканликларини билдирдилар.
Конструктив фикр алмашиш доирасида компаниянинг инновацион ишланмаларини жорий этган ҳолда энергетика соҳасида қўшма лойиҳаларни амалга ошириш режаси келишиб олинди.