“Голден Палос Термиз” МЧЖ томонидан йиллик 2 минг дона палос гилам ишлаб чиқариш қувватига эга, умумий қиймати 16 млрд сўмлик корхона фаолият юритмоқда.

Термиз шаҳрида “Голден Палос Термиз” МЧЖ томонидан йиллик 2 минг дона палос гилам ишлаб чиқариш қувватига эга, умумий қиймати 16 млрд сўмлик корхона фаолият юритмоқда. Мазкур лойиҳа 2020 йилда ишга туширилган бўлиб, 25 та иш ўрни яратилган.

Бугун вилоят раҳбари Термиз шаҳридаги лойиҳалар билан танишув давомида мазкур корхонада ҳам бўлиб, тайёр маҳсулотлар ва гилам ишлаб чиқариш жараёнлари билан танишди. Тадбиркор билан суҳбат давомида мавжуд муаммоларни тинглади. Лойиҳани ривожлантириш бўйича тавсиялар берилди.

Тадбиркорнинг кредит билан боғлиқ муаммоларини ўрганиб, ҳал этиш бўйича масъулларга кўрсатмалар берилди.